រៀនដើម្បីធ្វើស្រែ 13: For Learning

Showing posts with label For Learning. Show all posts

ខ្ញុំធ្លាប់ឆ្លងកាត់ហើយ មិនអីទេ ខ្ញុំធ្លាប់ហើយ

January 05, 2022

ខ្ញុំធ្លាប់ឆ្លងកាត់ហើយ មិនអីទេ ខ្ញុំធ្លាប់ហើយ

ខ្ញុំធ្លាប់ទៅហើយ ដែលត្រូវបានគេប្រើប្រាស់។

ខ្ញុំធ្លាប់ទៅហើយ ដែលត្រូវបានគេដើរចេញ។

ខ្ញុំធ្លាប់ទៅហើយ ដែលត្រូវបានគេនិយាយអាក្រក់ពីខ្ញុំ។

ខ្ញុំធ្លាប់ទៅហើយ ដែលត្រូវបានគេមកជិតបន្លំធ្វើជាមិត្ត។

ខ្ញុំធ្លាប់ទៅហើយ ដែលត្រូវបានគេកុហក។

ខ្ញុំធ្លាប់ទៅហើយ ដែលត្រូវបានគេធ្វើឲ្យខកចិត្ត។

ខ្ញុំធ្លាប់ទៅហើយ ដែលត្រូវបានគេទុកចោល។

ខ្ញុំធ្លាប់ទៅហើយ ដែលត្រូវបានមនុស្សទុកចិត្តលួចចាក់ពីក្រោយ។

ខ្ញុំធ្លាប់ទៅហើយ ដែលត្រូវបានគេយកត្រឹមតួជំនួស តួកំដរ។

ខ្ញុំធ្លាប់ទៅហើយ ដែលត្រូវបានគេយកអាថ៌កំបាំងមកលេងសើច។

ខ្ញុំធ្លាប់ទៅហើយ ដែលត្រូវបានគេក្បត់ការទុកចិត្ត។

ខ្ញុំធ្លាប់ទៅហើយ ដែលត្រូវបានគេមិនអោយតម្លៃ។

ខ្ញុំធ្លាប់ទៅហើយ ដែលត្រូវនឲ្យបាគេមករញ៉េរញ៉ៃក្នុងជីវិត។

ខ្ញុំធ្លាប់ទៅហើយ ដែលត្រូវបានគេកុហក់ បោកប្រាស់ បង្វិលក្បាលលេង។

ខ្ញុំធ្លាប់ទៅហើយ ដែលត្រូវបានគេធ្វើឲ្យខូចចិត្ត។

ហេតុដូចនេះហើយ មិនថាខ្ញុំនឹងត្រូវជួបអ្វីដែលអាក្រក់ជាងនេះទៅទៀត ក៏វាមិនបានធ្វើឲ្យខ្ញុំភ្ញាក់ផ្អើលទៀតដែរ ព្រោះខ្ញុំធ្លាប់ជួបឡើងស៊ាំបាត់ទៅហើយសម្រាប់ខ្ញុំ។ មិនដឹងថាវាគួរឲ្យស្តាយ ឬសំណាងនោះទេដែលខ្ញុំមកដល់ចំនុចនេះ ចំនុចដែលស៊ាំនឹងបញ្ហា ស៊ាំនឹងភាពឈឺចាប់។

និយមន័យនៃការគោរពទង់ជាតិ

January 05, 2022

និយមន័យនៃការគោរពទង់ជាតិ

អ្នកជំនាញផ្នែកអារ្យធម៌ខ្មែរ និងជាអ្នកនិពន្ធសៀវភៅស្ដីពីប្រវត្ដិទង់ជាតិ ភ្លេងជាតិ នគររាជ លោក រត្ន័ សណ្ដាប់ បានថ្លែងថា ការគោរពទង់ជាតិ គឺមិនមែនជាការគោរព ផ្ទំាងកំណាត់សំពត់ត្រង់ៗនោះទេ តែជាការសម្ដែងនូវសេចក្ដីគោរពដឹងគុណ ដល់អ្នកតស៊ូប្ដូរជីវិតសម្រក់ដំណក់ឈាមដើម្បីការពារមាតុភូមិ ហើយនិងអ្នកដែលបាន កសាងអភិវឌ្ឍន៍ជាតិ ឲ្យមានការរីកចំរើនថិតថេរចិរកាល ដូចយើងឃើញសព្វថ្ងៃ។

បានន័យថា ជាការសម្ដែងនូវកាយវាចានិងចិត្ដ គោរពចំពោះប្រទេស កងទ័ព ប្រជាជាតិ វិញ្ញាណក្ខន្ធ ដល់បុព្វការីជនអ្នកដែលបានពលីជីវិតនឹងអ្នករស់ដែលមាន ទង់ជាតិជានិមិត្ដរូប។ ហើយបើក្នុងកងទ័ពវិញ ទង់ជាតិគេទុកដូចជា គ្រឿងសក្ការបូជា និងជាទីគោរពដ៏ខ្ពង់ខ្ពស់បំផុត ប្រៀបដូចជា បូជនីយវត្ថុដ៏ស័ក្ដិសិទ្ធិមួយស្មើ និងជីវិតផងដែរ។ បើហេតុនេះយើងជាប្រជាជាតិខ្មែរត្រូវសំរួមកាយវាចា ចិត្ដស្មិងស្មាធិ ដោយធ្វើការគោរពឲ្យបានម៉ត់ចត់បំផុត។

ទន្ទឹមនិងនេះផងដែរ សព្វថ្ងៃនេះមានការលើកទ្បើងថា ហេតុអ្វីបានជាការគោរពទង់ជាតិនៅតាមសាលារៀនក្នុង១ថ្ងៃ មានការប្រារព្វ២លើក?

ត្រង់ចំណុចនេះ លោក រត្ន័ សណ្ដាប់ បានបញ្ជាក់ថា នេះប្រហែលជាការប្រតិបត្ដិតាមទំនៀមតៗមកពីសម័យសង្គមរាស្រ្ដនិយម មកនេះឯង ព្រោះស្ថិតក្រោម ព្រះរាជកិច្ចដឹកនំាដោយព្រះករុណាសម្ដេចឪ (ព្រះបរមរតនកោរដ្ឋ) នៃយើង ព្រះអង្គបានកំណត់ឲ្យមន្រ្ដីរដ្ឋាភិបាល និងសិស្សានុសិស្ស ត្រូវធ្វើគារវកិច្ចគោរពទង់ជាតិ ក្នុង១ថ្ងៃ២លើក គឺពេលព្រឹកម៉ោង៧ម្ដង និងម៉ោង៥,១៥ល្ងាចម្ដង។ ហើយក្នុងពេលគោរពម្ដងៗត្រូវច្រៀងបទនគររាជ១ចប់។

ជាសរុបលោក បានកត់សម្គាល់ផងដែរថា សព្វថ្ងៃនេះចំពោះស្ថាប័នជាតិដែលមានការគោរពទង់ជាតិ ជារៀងរាល់ថ្ងៃគឺទីស្ដីការគណៈរដ្ឋមន្រ្ដី ដោយទ្បែកចំពោះ សិស្សានុសិស្សវិញ ពេលព្រឹកហាក់មានការយកចិត្ដទុកដាក់ខ្លំាង តែចំពោះពេលល្ងាច ហាក់មានការខ្វះខាតច្រើនក្នុងការយកចិត្ដទុកដាក់គោរពទង់ជាតិ។

បើដូច្នេះ យើងទំាងអស់គ្នាជាប្រជាជាតិខ្មែរ ត្រូវយកចិត្ដទុកដាក់ក្នុងការគោរពទង់ជាតិឲ្យបានម៉ត់ចត់បំផុត ដើម្បីបង្ហាញពីការគោរពដឹងគុណដល់បុព្វការីជនរបស់ខ្លួន ហើយជាពិសេសផងដែរនោះ គឺស្ថាប័នរដ្ឋសភា ព្រឹទ្ធសភា ដោយមុននិងបើកសម័យប្រជុំនីមួយៗ គួរគោរពទង់ជាតិផងដែរ ទើបជាការប្រពៃ ព្រោះដើម្បីឲ្យចងចំាថា «មនុស្សយើងម្នាក់ៗបើផុតពីយើង គឺជាតិ៕

************************************

ស្រាវជ្រាវ និង រក្សាសិទ្ធិដោយ CHII WITT

ការចូលរួមធ្វើការងារស្ម័គ្រចិត្ត

January 05, 2022

ការចូលរួមធ្វើការងារស្ម័គ្រចិត្ត

ការស្ម័គ្រចិត្ត ជាការចូលរួមធ្វើសកម្មភាពអ្វីមួយដោយមិនគិតពីប្រាក់កម្រៃ ឬប្រយោជន៍ផ្ទាល់ខ្លួន។ ការស្ម័គ្រចិត្តអាចស្ថិតក្នុងរូបភាពច្រើនយ៉ាង ដូចជា ការជួយធ្វើការងារសង្គម ការជួយដល់អ្នកដ៏ទៃ ការជួយសហគមន៍ ឬប្រទេសជាតិរបស់យើង។

តើហេតុអ្វីយុវជនគួរចូលរួមធ្វើការងារស្ម័គ្រចិត្តឲ្យបានច្រើន?

ការធ្វើការងារស្ម័គ្រចិត្តមានអត្ថប្រយោជន៍ច្រើនយ៉ាងដូចជា៖

១. វាជួយឲ្យយើងរស់នៅបានយូរ និងល្អសម្រាប់សុខភាពរបស់យើង៖ តាមការស្រាវជ្រាវបានឲ្យដឹងថា អ្នកដែលចូលរួមធ្វើការងារស្ម័គ្រចិត្តរស់នៅដោយរីករាយ និងមានសុខភាពល្អជាងអ្នកដែលមិនបានចូលរួមធ្វើការងារស្ម័គ្រចិត្ត។

២. កាត់បន្ថយភាពតានតឹង៖ អ្នកជំនាញបាននិយាយថា នៅពេលដែលយើងផ្តោតអារម្មណ៍របស់យើងទៅលើការងារអ្វីមួយ ឬនរណាម្នាក់ឲ្យបានច្រើនជាងគិតតែពីរឿងខ្លួនឯង អាចធ្វើឲ្យយើងមិនសូវប្រឈមនឹងបញ្ហាស្ត្រេស។ ម្យ៉ាងវិញទៀត វាជួយឲ្យយើងមានការគិតប្រកបដោយសុទិដ្ឋិនិយម អាចគ្រប់គ្រងអារម្មណ៍ខ្លួនឯងបានល្អ។

៣. បង្កើនចំណងមិត្តភាព៖ នៅពេលដែលយើងធ្វើការងារស្ម័គ្រចិត្ត យើងមានឱកាសក្នុងការជួបនូវមនុស្សថ្មីៗជាច្រើន ព្រមទាំងអាចរៀនបានច្រើនពីពួកគេផងដែរ។ នេះគឺជាចំណុចមួយដែលសំខាន់បំផុត ព្រោះថាមនុស្សយើងម្នាក់ៗតែងតែត្រូវការពឹងពាក់គ្នាទៅវិញទៅមក ហើយប្រសិនបើយើងស្គាល់មនុស្សឲ្យបានកាន់តែច្រើន ឱកាសការងារ និងភាពជោគជ័យក៏មានច្រើនជាងអ្នកដែលមិនសូវបានធ្វើការងារស្ម័គ្រចិត្ត។

៤. ជួយដល់ការដាក់អាហារូបករណ៍៖ ធម្មតានៅពេលដែលគេសម្រេចចិត្តឲ្យអាហារូបករណ៍យើងទៅរៀននៅបរទេសក្តី ឬអាហារូបករណ៍ក្នុងស្រុកក្តី ជានិច្ចកាលគេចង់ដឹង ចង់ឃើញថាតើយើងជាបុគ្គលម្នាក់ដែលមានគំនិតគិតពីសង្គមដែរឬទេ ឬក៏ជាបុគ្គលដែលគិតតែពីប្រយោជន៍សួនតួ។

៥. ជាឱកាសដែលយើងអាចរៀនអ្វីដែលថ្មី៖ យើងអាចទទួលបានចំណេះដឹងថ្មីៗជាច្រើន ដឹងថាដើម្បីធ្វើការងារអ្វីមួយ យើងត្រូវឆ្លងកាត់ដំណាក់កាលអ្វីខ្លះ ត្រូវរៀបចំបែបណា។យើងអាចមានបពិសោធន៍ជាច្រើនបន្ទាប់ពីចូលរួមធ្វើការងារស្ម័គ្រចិត្ត។

៦. អភិវឌ្ឍនូវបុគ្គលិកលក្ខណៈផ្ទាល់ខ្លួន និងយល់ដឹងពីសង្គមច្រើន ៖ ក្រោយពីបានជួបមនុស្សថ្មី និងធ្វើការងារជាច្រើន វាជួយឲ្យយើងមានភាពរហ័សរហួន មានទំនួលខុសត្រូវ និងយល់ពីសង្គមបានច្រើនជាងមុន។ ជាទូទៅ ការធ្វើការងារ ខុសពីទ្រឹស្តីដែលយើងបានរៀន ព្រោះថាយើងបានរៀនផ្ទាល់ ជួបផ្ទាល់នូវបញ្ហាសង្គមដែលយើងកំពុងតែជួបប្រទះ។

៧. ស្វែងយល់ពីខ្លួនឯងបានកាន់តែច្រើន៖ អ្នកខ្លះមិនសូវច្បាស់ក្នុងចិត្តថានៅថ្ងៃអនាគតខ្លួនចង់ធ្វើអ្វីឲ្យពិតប្រាកដ ជាពិសេសមិនដឹងថាខ្លួនមានទេពកោសល្យអ្វី ពេលខ្លះបន្ទាប់ពីធ្វើការងារស្ម័គ្រចិត្តហើយ យើងអាចរកឃើញថាខ្លួនចូលចិត្តអ្វី ពូកែអ្វី ហើយការងារអ្វីដែលសាកសមនឹងខ្លួន។

៨. យើងអាចជួយសហគមន៍របស់យើង៖ នេះជាឱកាសដ៏ពិសិដ្ឋសម្រាប់យុវជន យុវតី ក៏ដូចជាបុគ្គលគ្រប់រូបក្នុងការតបស្នង និងជួយទៅកាន់សង្គម ឬប្រទេសជាតិដែលយើងរស់នៅ ព្រោះយើងត្រូវចាំថាយើងគ្រប់គ្នាជាកោសិកាដ៏សំខាន់ដែលជួយធ្វើឲ្យប្រទេសជាតិរីកចម្រើនបាន។

ការចូលរួមធ្វើការងារស្ម័គ្រចិត្ត មិនចាំបាច់តែជួយក្នុងលក្ខណៈទ្រង់ទ្រាយធំនោះទេ យើងគ្រាន់តែចាប់ផ្តើមគិតថាតើយើងអាចធ្វើអ្វីបានខ្លះ ជួយអ្វីបានខ្លះដល់សង្គមមួយនេះ ហើយចាប់ផ្តើមធ្វើវា ព្រោះថាការងារស្ម័គ្រចិត្តមិនត្រឹមតែអាចផ្តល់ផលប្រយោជន៍ដល់សង្គមនោះទេ វាក៏អាចជួយដល់ខ្លួនយើងផ្ទាល់បានយ៉ាងច្រើនផងដែរ។

*************************************

ស្រាវជ្រាវ នឹង រក្សាសិទ្ធិដោយ CHII WITT

សុភាសិតអង់គ្លេស-ខ្មែរ | English Khmer Proverbs

January 04, 2022

“Laziness will take you no where”. It is very true that you will not get what you want or get anywhere for being lazy.

“ភាពខ្ជិលជ្រអូសនឹងមិននាំអ្នកទៅណាឆ្ងាយឡើយ” ពិតប្រាកដមែនហើយដែលការខ្ជិលជ្រអូសនឹងមិនផ្ដល់អោយអ្នកនូវអ្វីដែលអ្នកចង់បានឬក៏ទៅកន្លែងដែលអ្នកខង់ទៅឡើយ។

ប្រសិនបើមាននណាម្នាក់និយាយថាគាត់គឺជា black sheep of the family នោះវាមានន័យថាគាត់គឺជាមនុយស្សខុសគេនៅក្នុងគ្រួសាររឺក៏ក្រុមរបស់គាត់។ សូមមើលឧទាហរណ៍ខាងក្រោម

ឧទាហរណ៍: អ្នកគ្រប់គ្នានៅក្នុងគ្រួសាររបស់ខ្ញុំសុទ្ធតែមានចំនេះដឹងខ្ពង់ខ្ពស់, ខុសគេតែខ្ញុំដែលបានឈប់ចូលសាលាតាំងតែពីអាយុ ១៣ ឆ្នាំ។

If someone says he is a black sheep of the family, it means that he is a troublemaker or is different from everyone else in his family or group.

Example: Everyone in my family is well-educated, but I dropped out of school since I was thirteen.

You don’t keep a dog and bark yourself .

តើអ្នកទាំងអស់គ្នាយ់អំពីអត្ថន័យនៃពាក្យស្លោកនេះដែរឬទេ? ប្រសិនបើយល់ឬក៏មានមតិយ៉ាងណាសូមបញ្ចេញនៅក្នុង Comment ខាងក្រោម។ ប្រសិនបើចង់ដឹងអំពីអត្ថន័យរបស់ពាក្យស្លោកនេះសូមចុចត្រង់នេះ។

You can’t tell a book by its cover. Meaning: You cannot judge what something or someone is like by looking at the exterior.

ប្រែ៖ អ្នកមិនអាចវាយតម្លៃរបស់អ្វីមួយឬក៏នណាម្នាក់ដោយមើលពីខាងក្រៅឡើយ។

Translation: 1. You can show someone the way to find something or to do something, but you cannot force that person to do it. 2. You can give someone the opportunity to do something, but you cannot force him/her to do it if he/she does not want to.

ប្រែជាភាសាខ្មែរ៖ ១. អ្នកអាចបង្ហាញនរណាម្នាក់នូវវិធីដើម្បីរករឺក៏ធ្វើអ្វីមួយ, ប៉ុន្តែអ្នកមិនអាចបង្ខំឱ្យអ្នកនោះធ្វើតាមវិធីនោះឡើយ។ ២. អ្នកអាចផ្តល់ឱកាសឱ្យនរណាម្នាក់ដើម្បីធ្វើអ្នីមួយ, ប៉ុន្តែអ្នកមិនអាចបង្ខំអ្នកនោះឱ្យធ្វើវាឡើយប្រសិនបើគេមិនចង់។

ពាក្យស្លោកពីរភាសាល្អៗ Proverbs in English and Khmer

June 02, 2021

100 Proverbs in English and Translate in Khmer.

...........................................
1. Let bygones be bygones. ឆ្កែដេកកុំដាស់រឿងចាស់កុំរំលឹក។
2. The leopard cannot change his spots. ឆ្កែកន្ទុយខ្វៀនវានៅតែខ្វៀន។
3. Baking dog never bites. ឆ្កែព្រុះមិនដែលខាំ។
4. Cats hide their claws. ឆ្មាលាក់ក្រចក។
5. When the cat is away, the mice will play.
ឆ្មាមិននៅកណ្តុរឡើងរាជ។
6. Make hay while the sun shines.
ឆ្លៀតបានខំប្រឹងឆ្លៀតទៅ( ត្រីងៀតឆ្លៀតពង) ។
7. Walls have ears.
ជញ្ជាំងមានត្រចៀក។
8. A bad workman blames his tools.
ជាងមិនកើតតែងបន្ទោសឧបករណ៏។
9. A miss is as good as a mile.
ជិតបានជោគជ័យក៏មានន័យថាបរាជ័យដែរ។
10. Life is struggle.
ជីវិតគឺជាការតស៊ូ
11. A fruitless is useless life.
ជីវិតគ្មានផ្លែផ្កាជាជីវិតគ្មានន័យ
12. No success without hard work.
ជ័យជំនះមិនដែលកើតឡើងដោយគ្មានការខិតខំឡើយ
13. Nothing successes like success.
ជ័យជំនះមួយគឺពិតជាជួយទៅរកមួយផ្សេងទៀត
14. Fingers are all thumbs.
ដៃភ្លើងជើងមាន់
15. Strike whiles the iron hot.
ដំដែកទាន់នៅក្តៅអប់រំកូនចៅទាន់នៅក្មេង
16. It’s the first step that is difficult.
ដំណាក់កាលតំបូងវាពិបាក
17. Let sleeping dogs lie.
ដំបៅមិនឈឺកុំយកឈើចាក់
18. You cannot use a winnowing basket to hide a dead elephant.
ដំរីស្លាប់កុំយកចង្អេរបាំង
19. Little by little, a bird can make it nest.
តក់ៗពេញបំពង់
20. Every cloud has a silver lining.
ក្រោយភ្លៀងមេឃស្រលះ
21. Easy come, easy go.
តែវាងាយស្រួលមកវាក៏ស្រួលទៅដែរ
22. When wine is in, wisdom is out.
តែសុរាចូលបញ្ញារត់ចេញហើយ
23. A rolling stone gathers no moss.
ថ្មរមៀលស្លែមិនកាន់
24. Better buy then borrow.
ទិញប្រសើរជាងខ្ចី
25. Where there is no trust, there is no love.
ទីណាគ្មានសេចក្ដីទុកចិត្តទីនោះគ្មានសេចក្តីស្នេហា
26. Prosperity has many friends.
ទឹកត្រជាក់ត្រីកុំ
27. It takes two the make a quarrel.
ទៀងមិនឈ្នះទាល់
28. A bamboo-shoot grows up to be bamboo.
ទំពាំងស្នងឬស្សី
29. Things wrongly obtained don’t bring success or happiness.
ទ្រព្យដែលបានមកដោយអំពើទុច្ចរិតពិតជាមិនអាចផ្ដល់សុភម្គលបានឡើយ
30. Wealth does not always help to produce happiness.
ទ្រព្យសម្បត្តិមិនមែនតែងតែអាចផ្ដល់សុភម្គលបានទេ
31. Empty vessels make much noise.
ធុងទទេរទះលឺខ្លាំង
32. All work and no play make Jack a dull boy.
ធ្វើការងារច្រើនពេកហើយគ្មានកីឡាគ្មានប្រាជ្ញាឈ្លាសវៃឡើយ
33. Tit for tat.
ឈាមស្រែកស្បែកហៅ
34. As you make your bed, so you must lie on it.
សក់អ្នកណាក្បាលអ្នកនោះ
35. Do right and fear no man.
ធ្វើត្រូវកុំខ្លាច
36. Never put off till tomorrow what you can do today.
ធ្វើអ្វីធ្វើអោយហើយកុំទុកដល់ថ្ងៃស្អែក
37. The rain falls on every roof.
នៅក្រោមមេឃគ្មានអ្នកណាម្នាក់ចៀសទឹកភ្លៀងបានឡើយ
38. When the man is angry, he cannot be in the right.
នៅពេលមនុស្សម្នាក់ខឹងគេពិតជាមិនដឹងខុសត្រូវឡើយ
39. Trouble brings experience and experience brings wisdom.
បញ្ហានាំមកនូវបទពិសោធន៍ហើយបទពិសោធន៍នាំមកនូវគតិបណ្ឌិត
40. Half a loaf is better than none.
ចិត្តតិចស៊ីត្រីអាំងចិត្តខ្លាំងស៊ីអំបិល
41. To bow the body id easy, to bow the will is hard.
បន្ទន់ខ្លួនវាស្រួលបន្ទន់ចិត្តវាពិបាក
42. Fight fire with fire.
បន្លាមុតត្រូវយកបន្លាជួស
43. Failure is a pillar of success.
បរាជ័យជាគ្រឹះនៃជ័យជំនះ
44. To kill two birds with one stone.
ព្រួញមួយបាញ់បានសត្វពីរ
45. Have lost the goods is not so important than have lost the respect.
បាត់បង់របស់មិនសំខាន់ជាងបាត់បង់យសសក្ដិឡើយ
46. The more one gets, the more one want.
បានច្រើនកាលណាប្រាថ្នាច្រើនកាលនោះ
47. Sin is the roof of sorrow.
បាបកម្មជាដើមចមនៃសេចក្ដីទុកព្រួយ
48. A close mouth catches no fly.
បិទមាត់រុយចូលមិនរួចឡើយ
49. A man without secondary diploma is like soup without seasoning.
បុរសគ្មានបាក់ឌុបដូចទឹកស៊ុបគ្មានប៊ីចេង
50. Poor in wealth is better than poor in opinion.
បើក្រទ្រព្យក៏ក្រចុះកុំអោយទាល់គំនិត
51. Live now, pay later.
បើគិតតែសប្បាយក្នុងពេលបច្ចុប្បន្នពិតជាមានបញ្ហាកើតឡើងក្នុពេលអណាគត
52. Neither a borrower, no a lender be.
ថោកអីនឹងដៃថ្លៃអីនឹងមាត់
53. If you want to live in peace, you to be ready for warring.
បើចង់រស់ក្នុងសន្តិភាពត្រូវត្រៀមខ្លួនជាស្រេចដើម្បីធ្វើសង្គាម
54. If you have thing done well, do it yourself.
បើចង់ធ្វើកិច្ចការមួយបានល្អត្រូវធ្វើវាដោយខ្លួនឯង
55. New broom sweeps clean.
បើមានមនុស្សថ្មីអ្វីៗត្រូវផ្លាស់ប្តូរ
56. If you don’t help row, don’t slow the boat down.
បើមិនជួយចូកជួយចែវកុំយកជើងរាទឹក
57. Nothing seeks, nothing finds.
បើមិនរកវាពិតជាមិនឃើញឡើយ
58. If you love someone, don’t forget yourself.
បើស្រលាញ់អ្នកណាម្នាក់ចូរកុំភ្លេចស្រលាញ់ខ្លួនឯង
59. Love me, love my dog.
បើស្រលាញ់ខ្ញុំចូរស្រលាញ់អ្វីដែលខ្ញុំស្រលាញ់
60. The wish is father to the thought.
បំណងគឺជាបិតានៃគំនិត
61. Drink, drink to drunk, drink not drunk, drink for what?
ផឹកផឹកអោយគេសែងផឹកដើរខ្លួនឯងផឹកធ្វើអ្វី?
62. We can’t renew our youth.
ផ្ការុះរោយទៅហើយមិនអាចក្រពុំវិញឡើយ
63. Moderation is the best policy.
ផ្លូវកណ្តាលគឺជាគោលការណ៍ដ៏ល្អបំផុត
64. Out of the mouth of babies and sucking.
ក្មេងច្រើននិយាយត្រង់
65. Speech is the picture of mind.
ពាក្យសំដីជារូបភាពនៃចិត្តគំនិត
66. Time is money.
ពេលវេលាជាមាសប្រាក់
67. Time will show who is right.
ពេលវេលាដែលកន្លងទៅវានឹងបង្ហាញថានរណាជាអ្នកត្រូវ
68. Time and tide wait for no man.
ពេលវេលានិងខ្សែទឹកមិនរង់ចាំនរណាឡើយ
69. Time lost cannot be found again.
ពេលវេលាដែលកន្លងផុតទៅមិនអាចវិលត្រឡប់ឡើយ
70. Do as teachers say, not as teachers do.
ពុតគ្រូកុំត្រាប់ច្បាប់គ្រូអោយយក
71. Exception proves the rule.
ពុំអាចទៅជាច្បាប់បានទេបើចេះតែមានការអធ្យាស្រ័យ
72. Where there’s will, there’s way
ព្យាយាមគង់បានសម្រេច
73. God help those who help themselves.
ព្រះជួយមនុស្សដែលចេះជួយខ្លួនឯង
74. Being lazy will make you poor but hard work will make you rich.
ភាពខ្ជិលច្រអូសនឹងធ្វើអោយមនុស្សក្រខ្សត់ប៉ុន្តែការខិតខំធ្វើការនឹងធ្វើអោយមនុស្សមានបាន
75. Necessity is the mother of invention.
ភាពខ្វះខាតជាមាតានៃការបង្កើត
76. The devil makes work for idle hands.
ភាពគ្មានការងារធ្វើគ្រប់គ្រាន់ជាដើមចមអោយមនុស្សបង្ករជាបញ្ហាឡើង
77. Idleness is the root of all evils.
78. ភាពគ្មានការងារធ្វើ ជាឬសគល់នៃសេចក្តីអាក្រក់ទាំងឡាយ
79. Hunger drives the wolf out of the wood.
ភាពអត់ឃ្លានបានជំរុញអោយឆ្កែចចកចេញពីព្រៃ
80. One master in the house is enough.
ភ្នំមួយមិនអាចមានខ្លាពីរ
81. A drowning man will catch at a straw.
មានអាសន្នបន់អោយគេជួយ
82. A man without knowledge is like the ship without rudder.
មនុស្សគ្មានវិជ្ជាដូចនាវាគ្មានចង្កូត
83. Every man has his faults.
មនុស្សគ្រប់រូបតែងតែមានកំហុស
84. So many heads, so many minds.
មនុស្សច្រើនគំនិតច្រើន
85. Dead men tell no tales.
ឃើញក្តាមឈូសទើបស្រក់ទឹកភ្នែក
86. Birds of a feather flock together.
ឆ្នាំងណាគ្របហ្នឹង
87. People are never satisfied.
មនុស្សមានចំនង់មិនចេះស្កប់ស្កល់
88. Still water run deep.
ក្តៅស៊ីរាក់ត្រជាក់ស៊ីជ្រៅ
89. Many hands make light work.
សាមគ្គីជាកំលាំង
90. Eat to live, no eat to eat.
ស៊ីដើម្បីរស់តែមិនមែនរស់ដើម្បីស៊ី
91. It’s better to be late than the late.
សុខចិត្តអោយវាយឺតចុះប្រសីរជាងស្លាប់
92. Health is better than wealth.
សុខភាពល្អប្រសើរជាងមានទ្រព្យសម្បត្តិ
93. More haste, less speed.
សន្សឹមៗកុំបំបោលក្រែងពុំដល់ដូចប្រាថ្នា
94. Safety first.
សុវត្តិភាពជាចំបង
95. Money lent is money spent.
ស៊ូអោយតែកុំអោយខ្ចី
96. Like father, like son.
ស្លឹកឈើជ្រុះមិនឆ្ងាយពីគល់
97. He who sows will reap.
អ្នកណាសាបព្រោះអ្នកនោះទទួលផល
98. He who laughs last, laugh loudest.
អ្នកសើចក្រោយគេសើចលឺជាងគេ
99. Fine feathers do not make fine birds.
អ្នកស្លៀកពាក់ស្អាត់ល្អមិនមែនមានន័យថាល្អឡើយ
100. Everything has a beginning.
អ្វីៗទាំងអស់សុទ្ធតែមានការចាប់ផ្តើមរបស់វា
101. Honesty is the best policy.
អំពើសុច្ចរិតជាអំពើដ៏ល្អបំផុត